Nananatiling nasa Marawi City si Abu Sayyaf Leader Isnilon Hapilon.
Ito ang ipinabatid ni Defense Secretary Delfin Lorenzana base na rin sa nakuha nilang impormasyon, na nagtatago sa mga mosque sa Marawi si Hapilon.
Ayon kay Lorenzana, maaaring totoo ang nasabing report dahil hindi pa nakikita ng military intelligence agents si Hapilon sa Basilan na baluwarte nito.
Mayroon aniyang tatlong (3) rebelde na dumating sa Basilan subalit hindi kabilang dito si Hapilon na may patong sa ulo na limang milyong dolyar ($5-M) mula sa Amerika at sampung milyong piso (P10-M) mula sa Pangulong Rodrigo Duterte.
By Judith Estrada – Larino
