Isinailalim sa quarantine ang isang Koreano sa Bacolod City matapos makitaan ng sintomas ng MERS-CoV.
Nabatid na kinunan na ng throat swab sample ang ‘di pinangalanang Koreano na kasalukuyang inoobserbahan sa Western Visayas Regional Hospital.
Hunyo 26 nang dumating sa Bacolod ang Koreano mula sa isang connecting flight galing Maynila.
Isinugod ito sa ospital dahil sa lagnat, ubo, at pananakit ng lalamunan noong Hunyo 29.
Samantala, nakatakdang ilabas ang resulta ng lab test bukas, Hulyo 3.
By Meann Tanbio
