Nagpositibo sa COVID-19 ang isa pang resource person ng senado na nakatakda sanang dumalo sa isa sa kanilang pagdinig.
Ito ang inamin ni Senadora Pia Cayetano na dahilan din kung bakit virtual lamang sila nakadalo ng kanyang mga staff sa interpellation ng Corporate Income Tax Reform Bill.
Ayon kay Cayetano, nadiskubreng positibo sa COVID-19 ang naturang resource person matapos sumailalim sa RT-PCR test na isa sa requirments ng senate medical team bago pumasok sa gusali ng senado.
Aniya, 2 linggo rin nilang nakatrabaho ang nasabing resource person kaya inabisuhan na rin sila ng senate medical team na magpatest upang matiyak na negatibo sila sa virus.
