Iminungkahi ng Iran sa Oman ang isang pansamantalang kasunduan para sa muling pagbubukas ng Strait of Hormuz.
Ayon kay Iranian Deputy Foreign Minister Kazem Gharibabadi, sa karagatan ng Iran dapat dadaan ang mga vessels upang matiyak ang seguridad ng kanilang bansa.
Layunin din anya ng naturang hakbang na mabigyan ang Tehran ng mas malaking kontrol at pangangasiwa sa pagdaan ng mga sasakyang pandagat sa mahalagang rutang pangkalakalan.
Una nang tinutulan ng iran ang mungkahing pantay na paghahati sa mga transit route at iginiit na mananatiling sarado ang Strait of Hormuz kung hindi papaboran ang kanilang panukala. l mula sa panulat ni Jordan Gutierrez
