Naitala ng Indonesia ang pinaka-mataas nitong daily COVID-19 cases kahapon.
Sa gitna ng pagkalat ng mas nakahahawang delta variant, sumampa na sa 54,517 ang bagong COVID cases sa nasabing bansa kabilang ang 991 fatalities sa loob lamang ng isang araw.
10 beses na mataas ito kumpara sa naitalang kaso noong Hunyo.
Ayon sa Indonesian Health Ministry, punuan na ang mga ospital habang desperado na ang mga kaanak ng mga COVID-19 patient sa paghahanap ng oxygen tanks.
Bilang may pinaka-malaking populasyon sa south-east asia, nalampasan na ng Indonesia ang India, pagdating sa dami ng daily COVID cases. —sa panulat ni Drew Nacino
