Pinalagan ni Raquel Pempengco, ina ni Jake Zyrus, ang naging kuwento ng anak sa “Maalaala Mo Kaya” na ipinalabas sa ABS-CBN, kagabi.
Aminado si mommy Raquel na masama ang loob niya dahil pawang kasinungalingan ang istorya ni Jake o Charice.
Ilang beses anyang lumayas at bumalik si Charice at ang katotohanan ay noon pang 2010 pinabayaan na sila ng singer.
Kinuwestyon din ni Raquel kung bakit siya ang sinisisi ni Jake sa hindi umano nabayaran nitong tax sa Amerika gayong hindi naman siya ang manager at accountant ng anak.
Iginiit din ni Raquel na hindi totoo na humihingi siya ng pera kay Jake dahil may sarili naman siyang pera at hindi rin niya sinaktan ang anak maliban sa pagkakataon na pinapaamin niya ito kung siya ay tomboy.
Dagdag pa ng ina ni Jake, hindi siya ang dahilan ng tangkang pagpapakamatay ng anak at hindi rin totoong nakasama nito ang kanyang tatay.
Naniniwala rin si mommy Raquel na sinadyang magsinungaling ni Jake upang sirain siya at tanggalin sa buhay nito bilang magulang.
