Napatay sa anti-illegal drugs operation ng Albay provincial police ang most wanted drug personality ng bayan ng Castilla, Sorsogon, kahapon.
Kinilala ni Albay provincial police office spokesman, Chief Insp. Arthur Gomez ang suspek na si Erlan Mirabel, residente ng barangay Dinapa, sa Castilla.
Nakatunog anya si Mirabel na mga pulis ang ka-transaksyon dahilan upang magpaputok ito ng baril kaya’t gumanti ang mga awtoridad, dakong alas kwatro y medya ng hapon sa bayan ng Bacacay, Albay.
Naisugod pa sa Ziga memorial district hospital ang suspek subalit binawian din ng buhay dahil sa mga natamong tama ng bala sa katawan.
