Pinalalagay na sa order of business ni House Speaker Lord Alan Velasco sa committee on rules ang impeachment complaint laban kay Supreme Court Associate Justice Marvic Leonen.
Inihain ang reklamo nuong Disyembre ng nakalipas na taon ng grupong Filipino League of advocates for good government sa pangunguna ni Edwin Cordevilla, ang secretary general ng grupo.
Nag-ugat ang impeachment complaint sa kabiguan ni Leonen na maghain ng kaniyang statement of assets, liabilities and networth (SAL-N) at pagkakaantala sa pagpapalabas nito ng mga resolusyon.
Kasalukuyang naka-break na ang sesyon ng kamara simula bukas, Marso 29 para sa semana santa at ito’y magbabalik sa Mayo 17.
Magugunitang inihain ni Ilocos Norte Rep. Angelo Barba, pinsan ni dating Sen. Bongbong Marcos ang reklamo laban kay Leonen.
