Pinalagan at tinawag ng Department of Foreign Affairs na “unfriendly act” ang ipinataw na sanctions ng China laban Defense Secretary Gilberto “Gibo” Teodoro at kanyang pamilya.
Ayon sa DFA, ang nasabing hakbang ay hindi nakatutulong sa pagsusulong ng mutual trust, responsableng pagsasaayos ng pagkakaiba para sa “constructive engagement” ng dalawang bansa.
Magugunitang pinagbabawalan si Teodoro at ang kanyang pamilya na makapasok sa mainland China, Hong Kong, at Macau habang hindi rin pinapayagan ang mga organisasyon at indibidwal sa Tsina na makipagtransaksiyon, makipag-ugnayan sa kalihim.
Kasunod ito ng mga naging pahayag ni Secretary Teodoro laban sa China sa gitna ng tensyon sa West Philippine Sea.
