Muling nagbabala ang Department of Health (DOH) sa paggamit ng anti-parasitic drug na Ivermectin bilang lunas laban sa COVID-19.
Nilinaw ni Health Undersecretary Maria Rosario Vergeire na ang Ivermectin ay rehistrado sa Food and Drug Administration (FDA) para sa parasitic diseases.
Ito, anya, ay base sa mga eksperto at pinag-aralan pa muli sa living clinical practice guidelines na nagsasabing hindi nakapagbibigay ng proteksyon kontra COVID-19 ang nasabing gamot.
Inihayag naman ni Dr. Anna Ong-Lim ng DOH-Technical Advisory Group na ilang pasyenteng may COVID-19 ang hindi na pwedeng bigyan ng gamot dahil napainom na ng Ivermectin.
Sirang-sira na anya ang organs, partikular ang atay ng mga pasyentengnag-ivermectin kaya’t ang kanilang babala sa publiko ay iwasan ang pag-inom ng nasabing gamot dahil wala katiyakan kung ligtas o mabisa ito.