Nanindigan ang Department of Agriculture (DA) na sapat pa rin ang suplay ng bigas sa bansa.
Ito’y sa kabila ng ulat ng Philippine Statistics Authority (PSA) na bumaba ang imbentaryo ng bigas sa bansa ngayong unang bahagi ng taon.
Batay sa datos, bumaba sa 12.8% ang imbentaryo ng bigas sa bansa o katumbas ng mahigit 2 milyong metriko tonelada lamang mula nitong Enero 1.
Maliban dito, inihayag din ng psa na bumaba rin ang imbentaryo ng bigas sa mga commercial warehouse sa 27% o katumbas ng halos 700,000 metriko tonelada.
Samantala, bumaba rin ang imbak na bigas ng National Food Authority (NFA) sa 32% o katumbas ng mahigit 350 metriko tonelada.
Ayon sa Philippine Integrated Rice Program ng DA ang pagbaba sa suplay ng bigas ay bunsod ng bagyong tumama sa bansa nitong nakalipas na huling bahagi ng taong 2020.