Itinanggi ng Malakanyang na may kinalaman ang pagpalit sa pwesto kay dating BARMM Chief Minister Ahod Ebrahim sa anumalyang nadiskubre sa rehiyon kaugnay sa maling paggamit ng local government support fund na kasalukuyang iniimbestigahan ng House of Representatives.
Ayon kay Palace Press Undersecretary Claire Castro, walang kinalaman sa pagpalit ng Interim Chief Minister ang imbestigasyon ng kamara kaugnay sa nasabing usapin.
Sinabi ni Usec. Castro na si Ebrahim mismo ang nagsabi na magbibitiw na ito sa pwesto upang mas mapagtuunan ng pansin ang BARMM parliamentary elections.
Dagdag pa ng Palace Press Official na batid ng Palasyo na nagpapatuloy pa ang imbestigasyon ng house panel hinggil sa 6.4 pesos billion na pondo na sinasabing ipinamahagi ng barmm government sa mga iilang piling mga barangay lamang sa rehiyon.
Samantala, no-show pa rin sa pinakahuling pagdinig ng mababang kapulungan ng kongreso ang mga opisyal ng BARMM. —sa panulat ni John Riz Calata
