Pinagtibay ng Court of Appeals ang kautusan ng Office of the Ombudsman na nagpapasibak sa serbisyo kay Iloilo City Mayor Jed Patrick Mabilog dahil sa hindi maipaliwanag na yaman.
Sa apat na pahinang resolusyon na sinulat ni Associate Justice Ramon Paul Hernando ng 1st Division ng Court of Appeals, ibinasura nito ang petition for certiorari na inihain ni Mabilog dahil sa kawalan ng merito.
Ayon sa Court of Appeals, mali ang pamamaraan na ginamit ni Mabilog sa pag-apela ng kanyang kaso kung saan ginamit nito ang Rule 65 ng Rules of Court.
Paliwanag ng Court of Appeals, dahil administratibo ang kaso ni Mabilog, hindi dapat petition for certiorari ang inihain nito bagkus dapat ay petition for review on certiorari.
Matatandaang, nagpalabas ng kautusan ang Ombudsman noong Oktubre na nag-aatas sa Department of Interior and Local Government o DILG na agad tanggalin sa puwesto si Mabilog matapos mapatunayang guilty ito sa serious dishonesty dahil sa unlawful acquisition of health.
—-
