Lumisan na ang ilang miyembro ng grupong KADAMAY na umukupa sa ilang units ng housing projects ng National Housing Authority sa Pandi, Bulacan.
Kasunod ito ng isinagawang diyalogo ng lokal na pamahalaan sa grupong KADAMAY.
Pitong araw naman o isang linggo ang ibinigay sa natitirang miyembro ng kadamay para umalis na sa tinirhang mga unit.
Kasabay nito nakiusap muli ang lokal na pamahalaan ng Pandi na idaan ng mga miyembro ng KADAMAY sa legal na proseso ang hiling nilng pabahay.
Una nang inamin ng NHA na hindi nila mabibigyan kaagad ng pabahay ang infomal settlers dahil sa kakulangan ng pondo.
By: Judith Larino
