Iminungkahi ni Cong. Lray Villafuerte na ibenta na lamang ng mga Lopez ang ABS-CBN.
Ayon kay Villafuerte, kung talagang mahal ng mga lopez ang mahigit sa labing isang libong manggagawa ng ABS-CBN at kung talagang nais nilang magserbisyo sa publiko ay mas makakabuti kung ibenta na lamang nila ang korporasyon.
Inihalintulad ni Villafuerte ang sitwasyon ngayon ng ABS-CBN sa Mighty Corporation na pinagbantaang ipasasara noon ng Pangulong Rodrigo Duterte dahil sa hindi pagbabayad ng tamang buwis.
Ibinenta anya ng Mighty Corporation sa isang Japanese Company ang kanilang kumpanya kaya’t walang natanggal na manggagawa.
Tiniyak ni Villafuerte na boboto sya para mabigyan ng prangkisa ang ABS-CBN kung magkakaroon ito ng bagong management.
