Hindi pa rin naibabalik ang supply ng tubig sa ilang bahagi ng Southern Metro Manila at Cavite kahit naayos na ang nasirang tubo ng Maynilad.
Ayon kay Grace Laxa, tagapagsalita ng Maynilad, Lunes pa lang ng gabi ay naayos na ang leakage sa kanilang primary pipeline sa Coastal Road.
Wala pa rin aniyang tubig sa Las Piñas City at Imus, Bacoor at Kawit, Cavite dahil malayo umano ang mga lugar sa pumping stations, elevated o matataas ang lugar at patuloy ang withdrawal ng tubig doon.
Posible namang maibalik ang normal na supply ng tubig bukas pero depende ito sa dami ng gumagamit nang sabay-sabay lalo sa mga matataas na lugar.
