Nakatakdang magsagawa bukas, Setyembre 21, ng public hearing ang Land Transporation Franchising and Regulatory Board o LTFRB hinggil sa panukalang fare adjustment sa pampasaherong taxi at jeep.
Ayon sa LTFRB, bukas sa lahat ng sektor, mga commuter group at iba ang public hearing na gaganapin sa tanggapan ng LTFRB sa Quezon City.
Kabilang sa tatalakayin ay ang pisong bawas sa kasalukuyang 3.50 na patak sa metro ng regular taxi at airport taxi sa kanilang kada 300 metrong biyahe.
Didinggin din ang pisong tapyas sa kasalukuyang 8.50 na pamasahe sa jeep sa Metro Manila at ilang bahagi ng Regions 3 at 4.
Inaasahan naman na tatalakayin din ang panukalang 2 pisong dagdag sa kasalukuyang 5.50 kada minuto na “waiting time” sa mga air-conditioned taxi sa kalakahang Maynila at ibang mga lalawigan.
By: Jonathan Andal
