Pansamantalang mawawalan ng kuryente ang ilang lugar sa Marikina City mula 12:01 a.m. ng hating gabi hanggang 5:00 a.m. ng madaling araw sa Martes, Mayo 12.
Sa ipinalabas na abiso ng Meralco, makakaranas ng power service interruption ang bahagi ng I. Mendoza street mula E. Dela paz street hanggang munding avenue sa mga barangay ng San Roque at Santa Elena.
Kasama anila rito ang Marikina Polytechnic College, Teatro Marikina at Marikina Elementary School.
Ayon sa Meralco, ang power interruption ay bunsod ng isasagawang paglilipat ng poste at line reconductoring sa I. Mendoza street sa Barangay San Roque.
