Nagturuan ang pulisya at ang pamunuan ng Resorts World Manila makaraang masabon ng mga mambabatas sa ikalawang pagdinig ng Kamara hinggil sa malagim na trahedya sa naturang Hotel Casino.
Kahapon, ipinakita ng pamunuan ng Resorts World ang CCTV Footage ng mga naging hakbang ng gunman na si Jessie Carlos nuong gabi na mangyari ang pag-atake.
Una rito, inusisa ni House Majority Leader Rodolfo Fariñas kung bakit mabagal ang naging pagtugon ng mga kinauukulan sa pangyayari.
Sagot ni Pasay City Police Chief Senior Supt. Dionisio Bartlome, walang tao sa mirror CCTV room ng Resorts World na nasa Marriot Hotel nang magtungo sila rito .
Ngunit iginiit ni Stephen Reilly, Chief Operating Officer ng Resorts World, hindi nawawalan ng tao sa kanilang CCTV room mula sa mismong hotel hanggang sa kanilang mirror room kaya’t imposible ang ipinaparatang ng pulisya.
By: Jaymark Dagala / Jill Resontoc
