Nasungkit ng Pinay Ju-Jitsu fighter na si Margarita “Meggie” Ochoa ang ika-anim na tansong medalya ng Pilipinas sa Asian Games.
Ito ay matapos makuha ni Ochoa ang ikatlong puwesto sa Ju-Jitsu Newaza Women’s 49-kilogram category.
Nakalaban ni Ochoa sa ikatlong puwesto ang kapwa Pinay na si Jenna Kaila Napolis.
Sa ngayon, nasa ika dalawampu’t isa ang ranking ng Pilipinas sa 30 mga bansang kalahok sa 2018 Asian Games sa overall tally na isang ginto at anim na tansong medalya.
