Pasok na sa second round ng WTA Citi Open si World number two Simona Halep.
Ito ay makaraang idispatsa ng 25-anyos na Romanian tennis player ang kalabang si Sloane Stephens sa iskor na 7-6 at 6-0.
Aminado si Halep na nangangapa pa siya sa mga unang bahagi ng laro at hindi makuha ang tamang timing.
Pero sa pagsapit ng ikalawang set ay umarangkada na si Halep at hindi na pinaiskor pa ang kalaban.
Susunod na makakalaban ni Halep si Maraiana Dugue-Mariano ng Colombia.
Target ni Halep na mabawi ang korona ng WTA na kanyang napanalunan noong 2015.
By Ralph Obina
