Nilinaw ng Inter Agency Task Force on Emerging and Infectious Diseases (IATF-EID) na walang kautusang hindi maaaring pumasok sa mga supermarket ang walang suot na face mask sa gitna ng banta ng COVID-19.
Sinabi ni Cabinet Secretary at IATF Spokesman Karlo Nograles na walang patakaran na no facemask, no entry sa mga supermarket.
Kasunod ito ng report hinggil sa ilang supermarket sa Metro Manila na naglagay na ng paskil sa mga pintuan na hindi maaaring makapasok ang walang suot na face mask.
Ayon kay Nograles tanging social distancing lamang ang ipinag-utos ng task force.
