Nanawagan ang ilang transport group sa Land Transportation Franchising and Regulatory Board (LTFRB) na aksyunan na ang kanilang petisyon para sa provisional fare increase sa pasahe sa jeepney.
Inihirit ng Alliance of Concerned Transport Organization o ACTO kasama ang tatlong iba pang transport group na itaas sa walong piso (P8) ang ngayo’y P7 minimum fare sa jeep dahil sa patuloy na pagtaas ng presyo ng diesel.
Anila, noong nag-petisyon sila ng dagdag pasahe sa LTFRB noong Mayo ay P20 pa lamang ang kada litro ng diesel ngunit ngayon ay P28 na kada litro nito ay wala pa ring aksyon ang ahensya.
Suportado naman ng National Center for Commuters Safety and Protection ang taas-pasahe bilang tulong sa mga drayber.
By Rianne Briones
