Sugatan ang isang pulis makaraang hagisan ng isang hindi pa kilalang suspek ang himpilan ng pulisya sa bayan ng Esperanza sa lalawigan ng Sultan Kudarat.
Kinilala ang pulis na si PO1 Arlan Ramales na nakadestino sa nasabing bayan makaraang tamaan nito ng shrapnel mula sa sumabog na granada.
Mag-a-alaa-5:00 kaninang umaga nang mangyari ang insidente kung saan, bukod sa sugatang pulis, napinsala rin ang pintuang salamin ng himpilan gayundin ang mga bintana nito.
Natagpuan sa pinangyarihan ng pagsabog ng mga operatiba ng PNP Explosive and Ordinance Disposal ang piraso ng granada gayundin ang pull ring nito.
Patuloy ang isinasagawang imbetigasyon ng mga otoridad habang patuloy na tinutukoy ang pagkakakilanlan ng suspek para papanagutin ito.
By Jaymark Dagala
