Pinagbigyan ng Korte Suprema ang hirit na 3-day birthday furlough ni dating Pangulong Gloria Arroyo.
Sa isinagawang press briefing, inihayag ni Supreme Court Spokesman Theodore Te na magsisimula ang furlough para kay Arroyo mula Abril 4 hanggang 6.
Nakatakdang ipagdiwang ng dating pangulo ang kanyang ika-69 na kaarawan sa Abril 5.
Una nang humiling ang kampo ni Arroyo ng limang araw na furlough para makasama ang pamilya nito sa kanyang kaarawan.
Sa inihain nitong mosyon noong March 11, inihirit ni Arroyo na payagan siyang makalabas ng Veterans Memorial Medical Center o VMMC mula alas-8:00 ng umaga sa Abril 3 hanggang alas-5:00 ng hapon sa Abril 7.
By Meann Tanbio | Bert Mozo (Patrol 3)
