Posibleng sa unang quarter pa ng susunod na taon makamit ang herd immunity ng Pilipinas.
Ito ang inihayag ni Health Secretary Francisco Duque III sa pagdinig ng house committee on appropriations.
Ayon kay Duque, makakamit ang herd immunity kung sasampa sa 500,000 hanggang 600,000 doses ang maituturok kada araw depende sa dami ng supply ng bakuna kontra COVID-19.
Kailangan pa rin anyang bumili ng mga bakuna lalo’t hindi pa tapos ang pandemya.
Tiniyak ni Duque na asahan ang karagdagang 195 milyong vaccines bago magtapos ang 2021 na higit pa sa target ng gobyerno na 77 milyon ng populasyon.—sa panulat ni Drew Nacino