Umabot sa 157 ang nadagdag na bilang ng mga health worker na dinapuan ng coronavirus disease 2019 (COVID-19) ngayong linggo.
Ito’y batay sa datos ng Department of Health (DOH) dahilan para umakyat sa kabuuang 3,643 ang bilang ng mga health worker na nagpositibo sa nakahahawang sakit.
Samantala, mayroon namang 65 bagong naitalang recoveries kaya naman nasa kabuuang 2,750 na ang health workers na gumaling.
Ayon sa DOH, nitong mga nakaraang linggo ay bumaba ang bilang ng nadadagdag na kaso ng health worker na may COVID-19.
