Nirebisa ng Department of Education (DEPED) ang School Safety Assessment Tool (SSAT), bilang bahagi ng implementasyon ng progresibong pagpapalawig ng limitadong face-to-face classes sa gitna ng COVID-19 pandemic.
Inilahad ni DEPED Assistant Secretary Malcolm Garma na inaasahang mas marami pang paaralan ang makikilahok sa progressive expansion ng limitadong face-to-face classess sa oras na ilabas ng DEPED sa nirebisa nitong SSAT.
Ipinabatid din ni Garma na kinukumpleto na ang joint memorandum circular ng DEPED at ng department of health para sa implementasyon ng face-to-face classes.
Sa kasalukuyan ay nagsasagawa na ng limitadong face-to-face classes ang 10,196 na pampubliko at pribadong mga paaralan. – sa panulat ni Mara Valle