Ibinasura at sinabing hindi pa kinakailangan sa kasalukuyan ng Metropolitan Manila Development Authority (MMDA) ang mga panawagan na palawigin ang number coding scheme sa gitna ng pagluluwag sa mga restriksyon.
Iginiit ni MMDA Director Neomie Recio na hindi pa bumabalik sa pre-pandemic levels ang bilang ng mga sasakyan na bumabaybay Sa Metro Manila.
Sa kabila nito, gumagawa ng paraan ang mmda upang makontrol ang mga sasakyan, kabilang na ang pagbabalik sa motorcycle lane.
Matatandaan na noong Nobyembre 2021 ay ipinatupad ng mmda ang number coding scheme tuwing weekdays, maliban sa mga holiday, mula alas-5 ng hapon hanggang alas-8 ng gabi. – sa panulat ni Mata Valle