Hindi pag-atake sa mga ahensya ng pamahalaan ang mga inilalabas na ulat ng Commission on Audit (COA).
Ito ang iginiit ni dating COA commissioner Heidi Mendoza sa gitna pa rin ng pagpuna ng komisyon sa 67.3 billion peso COVID-19 response funds ng Department of Health.
Ayon kay Mendoza, ang audit report ang nagsisilbing daan upang itama ang mga kakulangan, kaya’t dapat na ituring na kasangga ang mga auditor sa halip na kaaway.
Bagaman naiintindihan ng COA ang hinaing ng DOH, dapat ay sinagot na lamang aniya ni health secretary Francisco Duque III ang issue sa propesyunal na paraan.
Nitong martes ay naging emosyonal si Duque sa akusasyon ng COA na ikinawarak umano ng dangal at moralidad ng kagawaran.—sa panulat ni Drew Nacino