Ibinasura ng Olongapo City Regional Trial Court ang hiling ni US Marine Lance Corporal Joseph Scott Pemberton na mabaligtad ang guilty verdict sa pagpatay sa transgender na si Jeffrey Laude alyas “Jennifer”.
Alinsunod ito sa desisyon ni Judge Roline Ginez-Jabalde ng Olongapo RTC Branch 74.
Bukod dito, ibinasura rin ng korte ang petition for bail ni Pemberton.
Pero, ibinaba ang ipinataw na jail sentence kay Pemberton sa 10 taon mula sa 12 taon.
Si Pemberton ay nahaharap sa kasong pagpatay kay Laude matapos mapagtanto ng sundalo na isa pa lang transgender ang kanyang nakatalik noong October 2014.
By Meann Tanbio
