Inaresto ang limang Chinese nationals na nagtatrabaho sa Philippine Offshore Gaming Operator (POGO) dahil sa tangkang pagdukot sa kanilang kapwa Chinese national sa Paranaque City.
Ayon kay Mayor Melvin Florida, tinangka ng mga suspek na dukutin ang Chinese national na si Yang Shang Yu, 23 gulang bandang hapon.
Aniya, pinagtulungan ng mga suspek ang biktima na isakay sa kulay itim na Toyota Hiace na may plakang NZT5063.
Nakita naman agad ito ng mga guwardya na agad naman nakatawag ng mga pulis kung saan agad itong naharang.
Sinasabing may utang ang biktima na mahigit P700,000 kaya nagalit ang mga suspek.
Bukod sa mga inarestong Chinese national ay arestado rin ang Filipino driver ng mga Tsino na kinilala na si Nelson Malavega, 42 anyos.
