Nagbabala ang Philippine College of Physicians laban sa higit pang pagluluwag ng gobyerno sa restriksyon ng Metro Manila.
Ayon kay President of the Philippine College of Physicians Dr. Maricar Limpin, masyadong mabilis ang hakbang na ibaba sa alert level 1 ang NCR gayong marami pa aniya ang 1,000 kaso ng Covid-19.
Ginawa ni Limpin ang pahayag matapos na sabihin ni Health Secretary Francisco Duque III na posible pang luwagan ang kasalukuyang alert level status kung ang arawang kaso ng Covid-19 ay bumaba sa 500 hanggang 1,000.
Samantala, binalaan niya ang mga menor de edad na hindi pa bakunado na posible itong tamaan ng nakakahawang sakit. —sa panulat ni Airiam Sancho