I-aapela ni Maguindanao Governor Esmael Toto Mangudadatu ang naging desisyon ng Court of Appeals kaugnay sa kaso ng Maguindanao Massacre.
Ito ay matapos na pagtibayin ng Court of Appeals ang naunang desisyon ng Quezon City Regional Trial Court noong October 2014 na pinapayagan ang 16 na pulis na sangkot sa Mamasapano Massacre na makapagpiyansa at pansamantalang makalaya.
Ayon kay Mangudadatu, hihingan nila ng tulong si Solicitor General Jose Calida para sa paghahain ng apela sa Korte Suprema.
Nananawagan din si Mangudadatu kay Pangulong Rodrigo Duterte na tulungan sila para mapabilis ang paghahatol sa mga pangunahing suspek sa kaso kabilang sina Andal Ampatuan Jr. And Zaldy Ampatuan.
Magugunitang nasa 58 katao ang nasawi sa Maguindanao Massacre kabilang ang 32 mga mamamahayag, asawa ni Mangudadatu at iba pa niyang kaanak.
RPE