Naghahanda na ang gobyerno para sa roll out ng second booster shot sa specific groups sa National Capital Region o NCR sa Abril 20.
Ayon kay National Vaccination Operations Center (NVOC) chairperson Dr. Myrna Cabotaje, kabilang dito ang senior citizens, immunocompromised at frontline health workers.
Hinihintay na lamang aniya nila na ilabas ng Health Technology Assessment Council (HTAC) ang guidelines ngayong linggo.
Matatandaang binigyan ng Food and Drug Administration (FDA) ng Emergency Use Authorization o EUA ang second booster shot sa mga naturang grupo.
