Walang bago sa mga isinampang disqualification case laban kay Senador Grace Poe.
Ayon ito kay Valenzuela City Mayor Rex Gatchalian, Spokesman ni Poe matapos ihain sa pamamagitan ni dating Senador Francisco Kit Tatad ang ikatlong disqualification case laban sa senador.
Muling tiniyak sa DWIZ ni Gatchalian na handa nilang sagutin ang mga nasabing petisyon sa tamang forum at batid nilang kuwalipikado si Poe na tumakbo sa 2016 presidential elections.
“Maganda na rin na maaga lumabas lahat ito dahil mabibigyan kami ng sapat na panahon na masagot at mauunawaan ng taong bayan yung merits ng kaso, ang amin lang obserbasyon, parang may concerted effort kasi, parang may script na ikondisyon ang isipan ng taong bayan na madi-disqualify si Senator Poe, bakit ko nasabi yun? Eh sunud-sunod po pare-parehas lang naman po ang laman ng kanilang mga asunto, walang namang bago.” Pahayag ni Gatchalian.
By Judith Larino | Karambola
