Babaguhin ng Department Of Health (DOH) ang format ng ipalalabas na case bulletin ng COVID-19 simula sa susunod na linggo.
Ayon kay Health Undersecretary Maria Rosario Vergeire, simula sa Lunes, Oktubre 26, “streamlined” at mas maikli na ang ipalalabas nilang bulletin, araw-araw.
Kasunod aniya ito ng isinagawa nilang survey na nakatutok sa kung papaano rerebisahin ang case bulletin sa paraang mas madaling maunawaan ng lahat.
Dahil dito, sinabi ni Vergeire na kanila na itong pinaikli sa isang pahina na lamang at mas madali na ring maiintindihan ng publiko.
Sa kabila naman nito, tiniyak ni Vergiere na kumpleto at walang silang inalis na mahahalagang impormasyon sa bagong format ng case bulletin.
