“Willing to wait” si Elmo Magalona sa panliligaw sa dalagang aktres at ka-loveteam na si Janella Salvador.
Aniya nirerespeto niya kung hindi pa ready sa isang relasyon ang dalaga at naiintindihan niya ang desisyon nitong mag-focus muna sa career.
Gayunman nilinaw ni Elmo na magbibigay lang siya ng space at hindi ibig sabihin ay titigil na siya sa panliligaw sa dalaga.
Nagsama na sa ilang proyekto ang tinaguriang ‘ElNella’ kabilang na ang ilang advertisements, teleserye at ngayon ay pagbibidahan ang horror film na ‘Bloody Crayons’.
Nakatakdang ipalabas ang pelikula sa July 12 sa direksyon ni Topel Lee. –AR
Photo: elmomagalona / Instagram
