Nakumpleto na ni dating Senador Ferdinand “Bongbong” Marcos ang pagbabayad ng P66.02 million pesos na protest fee para sa kanyang election protest laban kay Vice President Leni Robredo.
Ayon kay Atty. George Garcia, legal counsel ni Marcos, nagdeposito na sila ng tatlumpung (30) milyong piso sa cash collection and disbursement division ng Korte Suprema kahapon, apat na araw bago ang July 14 deadline sa pagbabayad ng ikalawang installment.
Matatandaang nagbayad si Marcos ng initial deposit na P36,023,000 noong Abril 17.
Samantala, inobliga naman ng Presidential Electoral Tribunal o PET si Robredo na magbayad ng P7,439,000 para sa ikalawang installment kaugnay naman ng inihain niyang counter protest.
By Meann Tanbio
Election protest fee nakumpleto na ni Bongbong Marcos was last modified: July 11th, 2017 by DWIZ 882