Wala umanong naganap na konsultasyon sa pagitan ng Department of Transportation o DOTr at mga transport group hinggil sa jeepney modernization program.
Ito ang binigyang diin ni Alliance of Concerned Transport Organizations President Efren de Luna sa pagdinig ng Senate Committee on Public Services.
Gayunman, agad itong sinalag ni Transportation Secretary Arthur Tugade at iginiit na ilang beses na silang nagkausap ng mga transport group leader.
Hiniling naman ng mga tsuper at operator na kausapin sila hinggil sa mga probisyon ng modernization, gaya ng kung paano sila bubuo ng grupo para madaling makautang sa bangko at sino ang manufacturer ng mga modernong jeep at paano ito babayaran.
—-
