Nilinaw ng Department of Justice o DOJ ang posibleng mangyari sakaling hindi dumalo ang 90 commander at miyembro ng MILF, BIFF at Private Armed Groups na kanilang ipina-summon.
Kaugnay ito ng gaganaping preliminary investigation sa Nobyembre 11 sa kasong murder at theft na isinampa laban sa kanila hinggil sa Mamasapano encounter.
Sa panayam ng DWIZ, sinabi ni DOJ Senior Assistant State Prosecutor Rosanne Balauag na sakaling kaunti o hindi dumating ang mga naturang respondent ay ililipat nila ito sa ng Nobyembre 27.
At kapag wala pa rin aniyang nagpakita sa isa pang schedule, saka na sila tutuloy sa legal na hakbang.
“Mag-iisyu po kami ng isang resolution, it’s a resolution either magfa-file kami ng kaso or magdi-dismiss kami ng kaso, if ever po na mag-file kami ng kaso that’s the time na ihaharap namin sila sa court and only the court can issue a warrant of arrest. They can attend the preliminary investigation, gusto po naming marinig ang sagot nila doon sa reklamong inihain sa kanila ng NBI.” Pahayag ni Balauag.
By Allan Francisco | Sapol Ni Jarius Bondoc