Nanindigan ang Department of Justice Panel of Prosecutors na humawak ng kaso ni Senadora Leila de Lima na mayroon silang hurisdiksyon dito.
Sa kanilang resolusyon, sinabi ng piskalya na walang basehan ang argumento ni De Lima na tanggapan ng Ombudsman lang ang may hurisdiksyon sa mga reklamong may kinalaman sa iligal na droga na isinampa laban sa kanya.
Malinaw anilang nakasaad sa Section 90 ng Republic Act 9165 o Comprehensive Dangerous Drugs Act na ang mga Regional Trial Court ang may exclusive original jurisdiction sa mga kaso ng iligal na droga.
By: Avee Devierte / Bert Mozo
