Mahaharap sa kasong computer related identity theft sa ilalim ng anti-cybercrime law ang sinumang mapapatunayang sangkot sa pangongopya ng facebook accounts.
Ibinabala ito ng Department of Justice (DOJ) sa harap ng ginagawa nilang imbestigasyon sa biglang pagdami ng multiple o dummy accounts sa facebook.
Ayon kay Justice Undersecretary Markk Perete, sa ngayon ay nasa halos 200 reklamo na ang kanilang natanggap hinggil sa fake accounts sa facebook.
Kasama ng DOJ sa pagsasagawa ng imbestigasyon ang National Privacy Commission at ang DOST.
