Ikinakasa na ng dating abogado ni pork barrel fund scam whistleblower Benhur Luy na si Atty. Levito Baligod ang kasong graft laban sa Department of Justice (DOJ) gayundin sa Office of the Solicitor General o OSG.
Ito’y makaraang magpasya ang DOJ na isailalim sa provisional Witness Protection Program (WPP) ng gobyerno si Napoles na itinuturong utak ng multi-bilyong pisong anomalya sa Priority Development Assistance Fund (PDAF).
Ayon kay Baligod, hindi kuwalipikado si Napoles para isailalim sa WPP dahil sa ito ang utak at nanguna sa paglustay sa pondo ng bayan kasabwat ang ilang opisyal ng pamahalaan.
Naniniwala rin si Baligod na nagkaroon ng sabwatan sa pagitan ng DOJ at OSG dahil malinaw sa itinatakda ng Republic Act 6981 o Witness Protection, Security and Benefit Act na wala ang provisional protection kaya’t walang dahilan para ilipat ng piitan si Napoles.
—-
