Umamin ang Department Of Health o DOH na walang pondo para sa Special Risk Allowance sa 2022 proposed budget ang kanilang kagawaran.
Iyan dahil nakapaloob anila sa panukalang Bayanihan 3 ang nasabing pondo.
Sa budget briefing ng kamara, napuna ng isang mambabatas na kakauti pa lang ang nailalabas sa P311 milyon na pondo para sa sra kaya dito na umanin ang health department.
Ani Marikina Representative Stella Quimbo, wala rin namang pondo ng sra sa bayanihan 3 dahil kinopya lang ang probisyon nito sa Bayanihan 2 kaya nararapat na mailagay ito sa panukalang pondo sa susunod sa taon.
Matatandaang naantala ang pagbibigay ng sra sa mga health workers kaya patuloy ang ginagawang pangangalampag ng mga ito sa kagawaran.—sa panulat ni Rex Espiritu