Binalaan ng Department of Interior and Local Government (DILG) ang lahat ng mga malls na nagsimula na ng kanilang limitadong operasyon sa ilalim ng umiiral na modified enhanced community quarantine (MECQ).
Ayon kay Interior Secretary Eduardo Año, kanyang ipasasara ang mga malls na mabibigong magpatupad ng mahigpit na physical distancing.
Gayundin, hindi magagawang kontrolin ang bilang ng mga pumapasok na tao sa loob ng kanilang establisyimento alinsunod sa itinatakda ng guidelines ng IATF.
Sinabi ni Año, kanya nang inatasan ang mga LGU’s at ang Joint Task Force COVID-19 Shield sa pamumuno ni Lt. General Guillermo Eleazar na inspeksyunin ang lahat ng mga malls at makipag-ugnayan sa pamunuan ng mga ito.
