Hinamon ni Department of Interior and Local Government (DILG) Sec. Eduardo Año ang Philippine Drug Enforcement Agency (PDEA) at Senado na isapubliko ang listahan ng tinaguriang ‘ninja cops’ na nagrerecycle ng iligal na droga.
Ayon kay Año, dapat pangalanan ang mga aktibong pulis na ito na umano’y nagbebenta ng mga nakumpiskang droga sa mga isinasagawang operasyon.
Hindi aniya makatwiran para sa mga matitino at tapat na pulis kung makakaladkad ang Philippine National Police (PNP) sa isyu ng ‘ninja cops’.
Dagdag pa ni Año, hindi na bago ang usapin tungkol sa ‘ninja cops’ at sinisikap umano ng PNP na tapusin na ang problemang ito.
