Hindi panghihimasukan ng Malacañang gumugulong na imbestigasyon sa Department of Tourism o DOT.
Ito ang tiniyak ni Special Assistant to the President Christopher “Bong” Go sa gitna ng iba pang kontrobersya sa DOT.
Ayon kay Go, nasa Commission on Audit o COA na ang bola kaugnay ng mga nauungkat na umano’y iregularidad sa kagawaran tulad ng 80 million peso “Buhay Carinderia Project.”
Nasa kamay na rin aniya ng bagong kalihim ng DOT na si Berna Romulo-Puyat ang pagsisiyasat sa mga transaksayong pinasok ng nagdaang pamunuan.
Dagdag pa ni Go, mas maiging hintayin na lamang ang resulta dahil maging ang ehekutibo ay naka-abang sa kahihinatnan nito ng mga imbestigasyon.
—-
