Kampante ang Department of Foreign Affairs na mareresolba pa rin ang gusot sa pagitan ng Pilipinas at Kuwait subalit dapat maghanda sa “worst case scenario.”
Ito’y sa kabila ng pagpapa-recall ng Kuwaiti government kay Philippine Ambassador Renato Pedro Villa matapos ang kontrobersyal na pag-rescue ng mga personnel ng Philippine Embassy sa isang Filipinang inabuso ng amo.
Dismayado naman si Foreign Affairs Secretary Alan Peter Cayetano sa tila pag-ta-traydor ng Kuwaiti Government.
Pinangangambahan din anyang maapektuhan ang kasunduan para sa proteksyon ng mga O.F.W. sa Kuwait maging ang pagbisita ni Pangulong Rodrigo Duterte sa nasabing bansa upang saksihan ang paglagda.