Pinawi ng Bureau of Corrections (BuCor) ang pangamba hinggil sa mataas na kaso ng mga mayruong tuberculosis (TB) sa New Bilibid Prison (NBP).
Sinabi ni BuCor Spokesman Gabrial Chaclag na normal o usual case na ang nasa 200 kaso ng pulmonary tuberculosis sa NBP.
Wala aniyang TB outbreak sa NBP at nakokontrol ito kahit pa sa kasagsagan nuon ng naitatalang mataas na kaso ng COVID-19.
Ipinabatid ni Chaclag na gumagaling din naman ang mga bilanggong nagkakaruon ng TB dahil kaagad inihihiwalay o ina-isolate ang mga ito kasabay nang paggamot sa mga ito.
Kaagad din naman aniya silang nagsasagawa ng mass screening sa mga inmate para hindi na kumalat ang virus.
